ڕۆژی ٩ی شوبات ٢٠٢٦ پێشانگایەکی نیگارکێشی لەلایەن بەڕێوەبەرایەتی پەروەردەی دەوروبەری هەولێرەوە بۆ مامۆستایانی نیگارکێش ڕێکخرا.
«ڕۆژان سۆفیزادە» ئەندامی یەکیەتیی ژنانی دێموکراتی کوردستانی ئێران و مامۆستای قوتابخانە، بە چەند تابلۆیەکی کوردی بەشداری پێشانگای هونەری مامۆستایانی قوتابخانەکانی هەولێری کرد.
ئەم پێشانگایە کە لە ژێر ناوی «کەزی» و لە ژێر چاودێری وەزارەتی پەروەردەی هەرێمی کوردستان بەڕێوەچوو، ژمارەیەکی زۆر مامۆستا هونەرمەند و نیگارکێش لە قوتابخانەکانی هەولێر بەشداریان تێدا کرد.
هەروەها ئەم پێشانگایە لەلایەن مامۆستا «فەهمی سلیوا بابکە» بەڕێوەبەری پەروەردەی دەوروبەری هەولێر و چەندین بەرپرسی پەروەردەوە پێشوازی لێکرا و ڕێزلێنان و خەڵات پێشکەش بە مامۆستا هونەرمەندەکان کرا.
«ڕۆژان سۆفیزادە» کە بە تابلۆ دەستکێشەکانی خۆی نوێنەرایەتی چاند و مێژوو و خۆشەویستی و ئازادی و ژنی کورد دەکرد، لەم پێشانگایەدا بە ٥ تابلۆی کوردی بەشداری کرد و وەک هونەرمەندێکی دیار ڕێزلێنانێکی تایبەتی وەرگرت.
ناوبراو لەم بارەیەوە وتی:
«هەوڵم داوە لە تابلۆکانمدا باس لە کوردستان، کورد، ژنانی کورد، بوێری ژنانی کورد، ژیان و ئازادی بکەم، چونکە ئەم مانایانە لام پیرۆزن و هەمیشە لە بەرهەمەکانمدا ڕەنگیان داوە
