ئەوان لەپێکەوتوون و
من بەڕێوەم
ئەوان سرەوتن و من نەسرەوتم
ئەوان کۆڵیاندا لە جەفا
من کۆڵێ غەم و یادەوەریم لە کۆڵناوە
کاتژمێرەکان دەستیان لە ژماردنی کات هەڵگرتوە
هەنوکە
خورپە بچڕاوەکان دڵ و
سرپە پساوەکانی هەناسە و
ڕیشاڵی برینە نەدورارەکانی ڕۆح دەژمێرن..
ماندوون لە دەست تەمەنی بەسەرچووی شیرین و
قوڵنگی شەکەتی فەرھاد..
ئەوان لە نێو ویساڵی بوک و زاوایەکی ئەوێ ڕۆژ خەون دەبینن و
منیش بێدار..

ڕووناک ئاڵتوون