ئینترناسیۆنال سوسیالیستی ژنان
کۆبوونەوەی کۆنگرە
مادرید، ئیسپانیا ٢٢ و ٢٣ی نۆڤەمبەر، ٢٠٢٢
ژن، ژیان، ئازادی
لە ١٣ی سێپتەمبەر، کچێکی ٢٢ ساڵەی کورد مەهسا (کە نێوە کوردییە ڕاستەقینە، یاساغ کراوەکەی ژینایە)، ئەمینی، کە بە سەفەر چوبوو بۆ تاران بۆ سەردانی خزمەکانی، لە لایەن گەشتی ئیرشادی ئێران بە هۆی لەسەر نەکردنی حیجاب بە شێوەی شیاو، دەستگیر کرا. مەهسا ژینا ئەمینی، دوای دەستگیر کرانەکەی لە ئاکامی لێدان لە کاتی دەستبەسەرکران لە لای پۆلیس کەوتە دۆخی کۆما.
ئەوە دەستپێکی شەپۆلێک لە ناڕەزایەتی لە ئێران بە دروشمی ژن و کچان کە هاواریان دەکرد “ژن، ژیان، ئازادی” بوو، دروشمێکی کوردی دژی گەشتی ئیرشاد و حیجابی زۆرە ملی بەڵام بوو بە داوایەک بۆ ئاڵوگۆڕی بنەڕەتیتر: گۆڕانی ڕێژیم. ئەو خۆپیشاندانە ئاشتیخوازانە لە ڕۆژی کوژرانی ژیناوە بێ پسانەوە لە سەرانسەری وڵات درێژەیان هەبووە و بە شێوەی خێرا پەرە دەستێنن.
خۆپیشاندانەکان لە سەرانسەری وڵات بە ڕێبەریی جیلی لاو، زۆربەیان کچان و ژنانی لاو بەڕێوە دەچن کە زەرەری زۆرتریان پێ دەگات و قوربانیی سەرەکیی سەرکوتی توندی ڕێژیمن: کیژانی قوتابی تەمەن ١٤-١٠ ساڵانە هەڕەشەیان لێ دەکرێ، کەڵکی خراپیان لێ وەردەگیرێت و لە قوتابخانەکاندا لە لایەن گەشتی ئیرشاد لێیان دەدرێ. بە گوێرەی هێندێک ڕاپۆرت کچانی ١٥، ١٦ ساڵە لە ناو بەندیخانەکاندا لە لایەن گەشتی ئیرشادەوە بۆ بێدەنگ کردن لاقە دەکرێن یان دەکوژرێن، لە جیاتان، ڕادەگەیەندرێ کە خۆیان کوشتووە.
جووڵانەوەی ناڕەزایەتی ئەو حەوتووانە لە ئەوانی پێشووتر جیاوازن، ئەوان لە گوندەکان و شارە بچکۆلەکان بەهێزترن، شتێک کە زۆر جار لە لە ڕابردوودا لە ناڕەزایەتییە پلان بۆ دانراوەکاندا بەشدار نەدەبوون. وەڵامی توندوتیژانەی دامودەزگا ئەمنیەتییەکانی ڕێژیم دەرخەری لاوازیی و لەرزۆک بوونی کۆنترۆڵ بۆ زاڵ بوون بەسەر سەرهەڵدانەکەن: چونکە ڕێژیم هیچ دیالۆگێکی ناوێ، تەنیا سەرکوت یان کوشتن.
دوومانگ دوای کوژرانی مەهسا ژینا ئەمینی، دەیان کەسی کەم تەمەن بە گوێری یونیسێف، کوژراون؛ مافەکانی مرۆڤی ئێران ڕایگەیاندووە کە هەزاران کەس دەستگیر کراون، سەدان قوربانی هەن، تەنانەت حوکمی ئیعدام لە لایەن نوێنەرانی پارلمانی ئێران داواکراوە و دەنگی بۆ دراوە. ژمارەیەکی زۆی هەرزەکار و مناڵ و ڕێژەیەکی زۆر خوێندکار لەناو ئەواندان.
ڕیژیمی ئیسلامیی ئێران دەبێ دەستبەجێ کۆتایی بە توندوتیژیی دژی خۆپیشانەدەران بێنێ، دەبێ کۆتایی بە کوشتن، بە بارمتە گرتن، لاقە کردن و ئەشکەنجەی زیندانییان بێنێ. کەڵک وەرگرتن لە توندوتیژیی دژی کۆمەڵگای مەدەنی و خەڵکی ئاسایی لە سەر شەقامەکان، چالاکان، پارێزەران، ڕۆژنامەوانان و خوێندکارانی زانستگاکان دەبێ کۆتایی پێبێ. دەبێ دەست پێڕاگەیشتنی زیندانییە بریندارەکان بە چاودێریی پزیشکیی، زەمانەت بکرێ. ئاسایشی قوتابییان لە قوتابخانە و زانستگاکان دەبێ ڕێزی لێ بگیرێت. کەڵک وەگرتن لە گولـلە لە لایەن هێزی سەربازییەوە لە ڕووبەڕووبوونەوە دەگەڵ خۆپیشاندەرانی سەر شەقام ناتوانێ ئیزنی پێ بدرێ. کارەسات دژی کوردانی کوردستانی ئێران دەبێ کۆتایی پێبێ.
ئازادیی هەڵبژاردن و ئازادیی ڕادەربڕێن لە لایەن هەموو وڵاتێک کە جاڕنامەی ناونەتەوەیی مافەکانی مرۆڤی واژۆ کردووە، لە ناویاندا ئێران، دەبێ ڕێزی لێ بگیرێت. خۆپیشاندانە ئاشتیخوازەکانی خەڵکی ئێران شایانی وەڵامدانەوە بە گولـلە نین. کۆمەڵگای نێونەتەوەیی و دامەزراوەکان دەبێ هاوپشتی خۆیان بۆ ژنانی ئێران لە خەباتیان بۆ ڕێز لە ئازادی، دێموکراسی دەربڕن: فرۆشتنی چەکوچۆڵ و هەر جۆرە پشتیوانییەک لە ڕێژیمی ئێران دەبێ دەستبەجێ کۆتایی پێبێ.