ساڵی ٢٠٠٨ نەتەوە یەکگرتووەکان دوای چوارەمین کۆنفرانسی جیهانی ژنان لە بیجینگی چین کە ساڵی ١٩۵۵ بەڕیوەچوو و هەروەها دوای بڕیارنامەی ٦٢/١٣٧
نەتەوەیەکگرتووەکان لە دیسامبری ٢٠٠٨ ڕۆژی ١۵ی ئۆکتۆبری وەک ڕۆژی جیهانی “ژنانی لادێ” پەسەند کرد.
“ژنانی لادێ” ئەو ژنە دەستڕەنگینانەن کە ٢۵ لە سەدی ئابووری لە هەموو وڵاتەکانیان بەدەستەوە گرتووە، یانی ئەوەی کە “ژنانی لادێ” لە وڵاتەکان دا کردوویانە و بوونەتە هۆکاری بەهێز کردنی ئەقتەسادی وڵاتەکانیان.
ئەو کار و سەنعەتانە دەتوانن لە ئاژەڵداری و چنین و ڕستنەوە هەتاکوو بەرهەمهێنانی شییرەمەنی و کاری دەستی و… هتدن کە هەموو ئەوانە چەندین ساڵە ئەرکی سەر شانی ئەو ژنانە بوون و هەن کە لە لادێکان دەژین.
نەتەوە یەکگرتووەکان لە ساڵی ٢٠٠٨دا ڕۆژی ١۵ی ئۆکتۆبری بە ناوی ژنانی لادێ ناودێر کرد تا وەبیرهێنەرەوەی ئەوە بێ ڕۆڵی ژنان و کچان لە سەنعەت و سڵامەت و ئابووری هەر وڵاتێکدا دەتوانێ ڕۆڵێکی بنیادنەری ببێ و بە واتایەک ئەوەی کە “ژنانی لادێ” رۆڵی سەرەکیان لەم بوارانەدا هەیە.
نەتەوەیەکگرتووەکان لە بەیانییەکدا کە به بۆنەی ئەو ڕۆژه بڵاو بۆتەوە ئاماژە بە ڕۆڵی “کچان و ژنانی لادێ” دەکا و لەوەی کە چۆن لە بەرامبەر بار و دۆخی ئاو و هەوا و شیوەی ژیانیان و جیاوازی ڕەگەزایەتی لە ڕووی جیهاندا و تواناسازی ژنانەیان سەرکەوتوو بوون و بوونە قوتبێکی سەرەکی لە پێکهێنان و سەنعەت .
لەم بەیانیەیەدا هاتووە لە بوعدە جیهانیەکاندا یەکێک لە سێ ژنی سەرقاڵی کار له کاری وەرزێڕی و ئاژەڵداریدان. ژنان لەو بارەوە به درۆنە و خەرمان کۆکردنەوە و درووست کردنی خواردەمەنی و ئاوکێشان و زۆر کاری دیکەوە سەرقاڵن .
هەشتا لە سەدی ماڵەکانی جیهان ئاوی لوولەکێشیان نییە لە جیهاندا چاویان لە کاری ژنان و کچانە، تا ئاوی پێویست بێنن، ئەو نەخۆشیانەی کە مەترسی بۆ ئاژەڵ هەیە هەڕەشەی بۆ ژیانی ژنان و کچانی لادێش هەیە بۆ نموونە یەک لە چواری هەموو خراپییەکانی ئاو و هەوا لە ساڵی ٢٠٠۶ تا ٢٠١۶ ڕووی لە بەشی وەرزێڕی و ئاژەڵداری لە وڵاتان لە حاڵی بەرهەمهێنارەکان دابووە و زیاترین کاردانەوەی لە بەرهەمهێنانی خۆراکی دەستی ژنان و کچانی لادێیی دەبێ.
ڕۆژی جیهانی “ژنانی لادێ” رۆژێک پێش ١٦ی ئۆکتۆبر، ڕۆژی جیهانی خۆراکە و ئەوە بەو هۆکاری کە بەشی زۆری پێکهێنانی خۆراک لە جیهان دا لە ئەستۆی “ژنانی لادێ” بووە و هەیە و بۆیە ١۵ی ئۆکتۆبر یانی ڕۆژێک پێش ئەو ڕۆژەی کە بە ناوی ڕۆژی خۆراک لەلایەن نەتەوە یەکگرتووەکان بە ناوی ڕۆژی جیهانی “ژنانی لادێ” دیاری دەکرێ.
لە ئێران و بە تایبەت کوردستانیش “ژنانی لادێ” ڕۆڵێکی گرینگیان لە ئابووری بنەماڵە و وڵات دا هەیە بە تایبەت ژنانی کورد کە بە هۆنەری دەستیان و کابانەتیان توانیویانە ببن بە کۆڵەکەیەکی بەهێز و بێ ڕاوەستان کاری خۆیان دەکەن و کردوویانە.
ڕاگەیاندنی یەکیەتیی ژنانی دێموکراتی کوردستانی ئیران بەو قەناعەتەی کە دەزانێ ڕۆڵی “ژنانی لادێ” چەنە گرینگە ئەو ڕۆژە بە ڕۆژێکی مەزن دەزانی و ١۵ی ئۆکتۆبر و ١٦ی ئۆکتۆبر لە هەموو ئەو ژنانەی کە لە لادێکان هەوڵ دەدەن و کار دەکەن و هەموو ئەوانەی بەرهەمهینەری باشترین خۆراکن، پیرۆزبایی دەڵێ و هیوای سەرکەوتنی زیاتریان بۆ دەخۆازێ.
ڕاگەیاندنی یەکیەتیی ژنانی دێموکراتی کوردستانی ئیران
١۵ی ئۆکتۆبری ٢٠٢۴
