ڕۆژی یەکشەممە ڕێکەوتی ١٣.٧.٢٠٢٥ بە هاوکاری کومیتەی گشتی حیزبی دیموکراتی کوردستانی ئێران لە ئۆسلۆ و کۆمیتەی حیزبی دیموکرات لە ناوچەی ئۆستفۆڵد مەراسمی ٣٦هەمین ساڵیادی شەهیدکرانی گەورە ڕێبەری حیزبی دیموکرات نەمر، کاک دوکتۆر قاسملوو بەڕێوەچوو.
مەراسمێکە لە شارۆچکەی ڕۆدە سەر بە ناوچەی ئۆستفۆڵد لە وڵاتی نۆروێژ بە کۆڕگێڕی هاوڕێی بەڕێز کاک دۆکتۆر “خوسرەو بەهرامی” بەڕێوە چوو.
مەراسمەکە بە خوێندنەوەی سروودی ئەی ڕەقیب و خولەکێک بێدەنگی بۆ ڕۆحی پاکی سەرجەم شەهیدانی کورد و کوردستان دەستی پێکرد. دواتر لە لایەن کۆڕی هونەری حیزب شانۆگەریەک لە سەر کارەساتی تێرۆر کردنی ناجوانمێرانەی ڕێبەری شەهیدمان دوکتور عەبدولڕەحمانی قاسملو بە دەستی ڕێژیمی ئیسلامی ئێران بەڕێوەچوو.
پاشان لە لایەن کۆڕگێڕ دوکتۆر خۆسرەو بەهرامی وتارێک سەبارەت بە کەسایەتی شەهیدی نەمر و هەروەها چۆنییەتی کارەساتی ڕۆژی شەهید کرانی ڕێبەری نەمر دوکتۆر قاسملو بە وردی باسی لەسەر کرد.
یەکیەتی ژنانی دیموکراتیش بەشداری کۆڕیادەکە بوون و پەیامی هاوبەشی ٣ ڕێکخراوەی ( ژنان،لاوان، کۆمەڵەی کولتووری کوردی) سەبارەت بەو ساڵیادە لە لایەن بەرپرسی ک.ک.کوردی کاک قادر عەزیزبێگی خوێندرایەوە.
بە پرسیاری بەشدار بووان و وڵام لەلایەن کاک خۆسرەو بەهرامی و هەروەها بەخشینی خەڵاتی ڕێزلێنان بە ٤ کەس لە ئیسکۆرتەکانی شەهید کاک دوکتۆر قاسملوو کە بریتی بوون لە بەڕێزان( محەممەد ڕەشیدی، کەریم عەلیپوور، سڵێمان ئەحمەدینژاد،خاڵە حەسەن) بەرنامەکە کۆتایی پێهات.

هەزاران سڵاو لە گیانی پاکی شەهیدی سەرکردە هەروەها هاوڕێیانی.
مردن و نەمان بۆ تیرۆریستەکانی ئاخووندی ئیسلامی ئێران.

یەکیەتی ژنانی دیموکراتی کوردستانی ئێران- کۆمیتەی نۆروێژ

15.07.2025