ڕۆژی چوارشەممە ٥ی خەرمانانی ١٤٠٤، کۆنفرانسی سلێمانی لە مەکتەبی سیاسیی یەکیەتیی نیشتمانی دەستی بە کارەکانی کرد و هەتا ڕوژی شەممە، ٨ی خەرمانان بەردەوام دەبێت.
ڕۆژی یەکەمی کاری کۆنفرانسەکە پەیوەست بو بە کاروباری ژنان و هەر لەم پێوەندییەدا شاندیکی یەکیەتیی ژنان بە بەشداریی بەڕێزان شنە دروودگر سکرتێری یەکیەتیی ژنان و شلێر مەحموودی جێگری سکرتێر، بەشداری ئەم کۆنفرانسە بوون.
ڕۆژی پێنجشەممە ٦ی خەرمانانی ١٤٠٤، شاندیکی حیزبی دێموکراتی کوردستانی ئێران بە سەرپەرەستیی بەڕێز مستەفا مەولوودی جێگری سکرتێری حیزب بە بانگهێشتی فەرمی بەشداری ئەم کۆنفرانسە بوون.
ناوەڕۆکی کۆنفرانسەکە بریتیە لە پرسەکانی ئاشتی، ئاسایش، پرسی کەمینەکان، پرسە هەنووکەییەکانی جیهانیی عەرەبی کە تێیدا ژمارەیەکی بەرچاو لە کەسایەتیی و سەرکردە جیهانییەکان لە جیهانی عەرەبی وعێراق و کوردستان بەشدار دەبن.
حیزبی دێموکراتی کوردستانی ئێران پەیامێکی بە سێ زمانی کوردی، عەرەبی و ئینگلیزی خستە بەر دیدی بەشداربووانی کۆنفرانسەکەوە.
لەم کۆنفرانسەدا شاندی حیزب چەند دیدار و چاوپێکەوتنیکیان لەگەڵ چەند کەسایەتییەکی سیاسیی کوردستان،عەرەبی و جیهانی ئەنجام دا.
نوێنەرانی کورد لە هەر چوار بەشی کوردستان، بانگهێشتی ئەم کۆنفرانسە کرابوون.
