ڕۆژی یەکشەممە، 25ی مەی، سێمینارێک لە لایەن سەنتەری ژنان بۆ بەرێز دوكتوور مەریوان وریا قانع، مامۆستای زانكۆی ئامستردام، سەبارەت بە پرسی كورد لە سەدەی بیست ویەكدا بەرێوەچوو.
سمینارەكە بە خوڵەكێك بێدەنگی بۆ رێزگرتن لە ڕۆحی پاكی شەهیدانی چوارپارچەی كوردستان دەستی پێ كرد.
پاشان له لایەن پێشکەشکاری سێمینارەکە بە خێرهاتنی میوانان کرا و بە فەرمی بەرنامەکەی دەستپێکرد. بەرێزیان کورتەیەك لە ژیاننامەی دوکتوور مەریوان وریا قانع، بۆ بەرچاوروونی زیاتر لە كەسایەتیی دوکتوور مەریوان پێشكەشی بەشداربووانی كرد.
بەرێز دوکتوور قانع باسەكەی خۆی بە شێوەی زانستی و مێژووییەوە پێشکەش کرد. باسەكە لەسەر مێژووی گەلی کورد لە سەدەکانی جیاجیادا، بەتایبەتی لە سەدەی نۆزدەهەم تا سەدەی بیست و یەکەم بوو. هەروەها باس لەو گۆڕانکارییانەی کرد کە گەلی کورد تێیاندا تێپەڕیوە و کاریگەری چەندین بابەت وەکوو شەڕ، مەذهەب و… لەسەر پرسی کورد.
پانێلی دووهەمی سمینارەكە تەرخان كرا بە باس و پرسیاری بەشداربووان.
شایانی باسە هەیئەتی یەكیەتی ژنان لە بەرێزان ئیلهام چایچی بەرپرسی کومیتە، هێلین كەریمی ئەندامی ڕاوێژکاری کومیتە و هاوڕێ ئانیتا فارابی ئەندامی یەكیەتی ژنانی دێموكراتی كوردستانی ئێران، پێك هاتبوو.
ئەم سێمینارە نەک هەر دەرفەتێک بوو بۆ ئاڵوگۆڕی بیروڕا و هۆشیارکردنەوە، بەڵکوو هەنگاوێکی کاریگەر بوو بۆ بەستنەوەی مەعریفە و کردەی کۆمەڵایەتی لە بواری پرسی کورددا.
یەک شەممە
25.05.2025
کۆڵن- ئاڵمان
