ڕۆژی یەک شەممە ڕێکەوتی ٣٠ی نۆڤامبر سێمینارێک لە لایەن سەنتەری ژنانی کورد لە شاری کوڵن(وڵاتی ئاڵمان) به بۆنەی ٢٥ی نۆڤامبر ڕۆژی بەرەنگاربوونەوەی توندوتێژی دژی ژنان بەڕێوەچوو.

سمینارەکە لە کاتژمێر ١٤:٣٠ به بەشداری ئەندامانی یەکیەتی ژنانی حیزبی دێموکراتی کوردستانی ئێران-کومیتەی ئاڵمان “خاتوو هێلین کەریمی وخاتوو سەحەرئاقا کۆساری” و چەندین ئەندامی حیزب و ڕێکخراوەکان دەستی پێکردبوو بە میوانداری خاتوو گوڵاڵە شەرەفکەندی .

ئەو بابەتانە کە بە تایبەتی خاتوو گوڵاڵە شەرەفکەندی جەختی لە سەر کردبوو بریتی بوون لە:

زمان و دەسەڵات

* چۆن وشەکان واقیع درووست دەکەن

* زمان و کاریگەرییەکەی لەسەر ڕەگەزەکان

* سێکسیزم لە ژیانی ڕۆژانە و میدیاکاندا

* چۆن میدیاکان لەسەر وەبەرهەم هێنانەوەی توندوتێژی کاریگەرن

* ڕۆڵی نەرێنی و ئەرێنی زمان لە وەبەرهێنانەوەی(negative ) وکەم کردنەوەی توندوتیژی دژی ژنان (Positive).  

سیمینارەکە بە پرسیار و گفتوگۆی بنیاتنەر لەنێوان بەشداربووان بەردەوام بوو، دەرفەتێکی ڕەخساند بۆ هاوبەشکردنی ڕوانینە جۆراوجۆرەکان سەبارەت بە ڕۆڵی زمان و میدیا لە دووبارە بەرهەمهێنانەوە یان کەمکردنەوەی توندوتیژی دژی ژنان.

لە کۆتاییدا ڕێکخەران و ئامادەبووان جەختیان لەسەر پێویستی بەهێزکردنی هاوکاری و بەرزکردنەوەی ئاستی هۆشیاری گشتی و بەردەوامبوون لە چالاکییە پەروەردەیی و میدیاییەکان بۆ بەرەنگاربوونەوەی توندوتیژی کردەوە.

ئەندامانی یەکیەتیی ژنان (کومیتەی ئاڵمان) بەشداریکردنی خۆی لەم جۆرە بەرنامانەدا بە بەشێک لە پابەندبوونی بەردەوامی خۆی بۆ پشتیوانیکردن لە مافەکانی ژنان و بەهێزکردنی ژنان دەزانێت و بەردەوامیش دەبێت لە چالاکی و پشتیوانیکردن لەم ئاراستەیەدا.