ڕۆژی شەممە ،ڕێکەوتی ١٦ی خاکەلێوە لە شاری کۆڵنی وڵاتی ئاڵمان ڕێوڕەسمێک بە بۆنەی ١٠ی خاکەلێوە ڕۆژی شەهیدانی کوردستان لەلایەن کومیتە ناوچەی ئاڵمان بەڕێوەچوو.
ڕێوڕەسمەکە بە چەند ساتێک بێ دەنگی بۆ ڕێزگرتن لە گیانی پاکی شەهیدانی کورد و کوردستان دەستی پێ کرد.
هەروەها لەم ڕێوڕەسمەدا چەندین لایەنی سیاسی و ڕێکخراوەکان پەیامی خۆیانیان پێشکەش کرد کە تێیدا پەیامی یەکیەتیی ژنانی دێموکراتی کوردستانی ئێران /کومیتەی ئاڵمان لەلایەن خاتوو ئێلهام چایچیەوە خوێنرایەوە.
پاشان لە لایەن خاتوو زارا یوسفی ئەندامی یەکیەتیی ژنان لە ئاڵمان پەخشانێک به بۆنەی ڕۆژی شەهیدانی کوردستان پێشکەش به ئامادەبووان کرد.
