ڕۆژی شەممە ٢٥ی ڕێبەندان له شاری بروکسێلی وڵاتی بێلژیک ڕێپێوانێکی بەرین بۆ پشتیوانی لە خۆڕاگری خەڵکی ئێران و ڕۆژهەڵاتی کوردستان لە کاتژمێر 1ی نیوەڕۆ بەڕێوە چوو.
لەم ڕێپێوانەدا ئەندامانی حیزبی دێموکراتی کوردستانی ئێران و ئەندامانی یەکیەتیی ژنان لە وڵاتی ئاڵمان به ئاڵای کوردستان و لۆگۆ و پوستێرەکانی تاێبەت به حیزب بەشداریان کرد .
شایانی باسە کە جەماوەرێکی زۆر بەتایبەتی ئەندامانی حیزبی و ئەندامانی یەکیەتیی ژنان جگه لە وڵاتی ئاڵمان لە وڵاتانی فەڕانسە و هۆڵندیش بەرەو بێلژیک ڕۆێشتن و بەشداری ئەم ئاکسیۆنە بوون و بەشداربووان بەم دروشمانەی خوارەوە ڕێپێوانەکەیان زیاتر لە ٤ کاتژمێر بەڕێوەبرد.
