رۆژی چوارشەمە رێکەوتی ٢٣ی بانەمەڕی ٢٧٢٦ی کوردی بەرامبەر بە ١٣ی مەی ٢٠٢٦ی زایینی، کۆنفرانسيکی سیاسی لە سەر پرسی کورد لە داهاتووی فەرانسە لە شاری بوردو، بە بەشداری بەڕيز کاک عەلی دوڵەمەری نوێنەری حکومەتی هەریمی کوردستان لە وڵاتی فەرانسە و بەڕێز کاک کەریم کامار نوینەری حکومەتی خۆ بەرێوبەری رۆژئاوا، نوینەرانی رێکخراوە مەدەنیەکانی کورد و فەرانسویی و چالاکوانانی سیاسی و مەدەنی لە لایان ڕێکخراوی ژێنێسی کورد بەرێوە چوو.
کۆنفرانسەکە بە ساتێک بێ دەنگی بۆ شەهیدانی کورد و کوردستان دەستی پێ کرد. پاشان بەرێوبەرانی ڕێکخراوی ژێنێس، بەڕێزان کاک ناویەن و کاک زانیار پاش باسێک لە سەر کورد بە گەشتی لە دایسپۆرا بۆ بەشداربووان ، پرسیاریان ئاراستەی میوانانی پانێڵی کۆنفراسەکە کرد.
مەبەستی ئەم کۆنفرانسە لێک نیزیک بوونەوەی ماڵی کورد لە دیاسپۆرای فەرانسە بوو کە هەوڵ بدرێت کورد لە فەرانسە پلان و پرۆژەی هاوبەش، بە مەبستی زیاتر ناساندنی کورد و بەهێز کردنی پێگەی کورد لە وڵاتی فەرانسە بەڕێوە ببات و لە داهاتوودا هەوڵ دەدرێ کۆنفرانسی هاوشێوە لە زۆربەی شارەکانی وڵاتی فەرانسە بۆ هەمان مەبەست بەڕێوە بچێت.
لە بەشێک لە کۆنفرانسێکە خاتوو شەیدا ویجدانی نوینەری ڕێکخراوی یەکیەتیی ژنانی دێموکراتی کوردستانی ئێران، باسێکی لە سەر ڕۆڵی ژنان لە دیاسپۆرا و کوردستان پێشکيشی بەشدار بووان کرد.
یەکیەتی ژنانی دێموکراتی کوردستانی ئێران /دەرەوەی وڵات
