بەشداری کۆمیتەی فیلاندی یەکیەتیی ژنانی دێموکراتی کوردستانی ئێران لە ڕێورەسمی ٢٥ گەلاوێژ لە فینلاند

سەرەتای ڕێوڕەسمەکە بە سروودی نەتەوایەتی ئەی ڕەقیب دەستی پێکرد و چەند خولەکێک بێ دەنگی بۆ ڕێزگرتن لە گیانی پاکی شەهیدان.
دواتر لە لایەن بەڕێز سەید ئەحمەد حوسێنی بەرپرسی کۆمیتەی حیزبی حدکا بە خێرهاتنی میوانان کرا و پەیامی کۆمیتەی پێشکەش کرد.
دواتر پەیامی یەکێتیەکانی ژنان و لاوان و خوێندکارانی دێموکراتی کوردستانی ئێران -کۆمیتەی فینلاند لە لایەن خاتوو شیرین مەحمودزادە پێشکەش کرا و چەپکە گوڵی ڕێزلێنانی بە کۆمیتەی حیزب لە فینلاند.
شیرین مەحمودزادە وێڕای پیرۆزبایی یادی دامەزراندی حیزبی دێموکراتی کوردستانی ئێران ئامژەی بە چەند خاڵێک کرد لەوانە :
یەک ساڵی ڕابردوو بۆ خەڵکی ئێران و بەتایبەتی ڕۆژهەڵاتی کوردستان ساڵێکی پڕاوپڕ لە ڕووداوی جۆراوجۆر بووە. لە یەک ساڵی ڕابردوودا و لە درێژەی سیاسەتی شەڕئەنگێزی و قەیرانخوڵقێنی‌ کۆماری ئیسلامیدا ئەم ڕێژیمە زیاتر لە جاران هەم خۆی تووشی گۆشەگیری و ئاستەنگی جۆراوجۆر کردۆتەوە و هەم وڵات و خەڵکی تووشی دەیان قەیرانی ژینگەیی، ئابووری و کۆمەڵایەتی کردووە.
گوشار و سەرکوتی بەردەوام و سیستماتیکی کۆماری ئیسلامی بە نیسبەت خەڵکی ئازادیخوازی وڵات، هەموو چین و توێژێکی کۆمەڵگەی گرتۆتەوە، بەڵام لەوانە مامۆستایان، خوێندکاران، لاوان و ژنان زیاتر لەژێر هەڕەشە و مەترسیدا بوون. سەرەڕای هەموو ئەم سەرکوت و گوشارانە، گەلانی ئێران و بەتایبەت خەڵکی کوردستان لێبڕاوانەتر لە هەمیشە بەگژ سیاسەتەکانی ڕێژیمدا چوونەتەوە و هەر ڕووداو و پیشهاتەکانی یەکساڵی ڕابردوو دەیسەلمێنن کە چین و توێژەکانی کۆمەڵی کوردەواری بەتایبەت ژنان، لاوان و خوێندکاران پێشەنگایەتی بزووتنەوەی ئازادیخوازی دەکەن.
لە درێژەی ڕێوڕەسمەکەدا پەیامی چەند حیزب و ڕێخراوێک پێشکەش کرا و دواتر کۆتایی ڕێوڕەسمەکە بە گۆڤەند و شایی لە لایەن هونەرمەندان کاوە ئورمیە و نێچیر هەورامی ڕازایەوە