ڕۆژی هەینی ڕێکەوتی۲۰ی مارسی ٢٠٢٦
لەناوەندی شاری تورکو فیستیڤاڵی نەورۆز بەڕێوەچوو؛ئەم فیستیڤاڵە بەهاوکاری فینکورد،یەکیەتیی ژنانی دێموکراتی کوردستانی ئێران، خزمەتگوزاری شارەوانی تورکو ڕێکخرابوو.
فیستیڤاڵەکە بەسروودی نەتەوایەتی ئەی ڕەقیب دەستی پێکرد و پاشان خولەکێک بێدەنگی بۆ گیانی پاکی شەهیدانی کورد و کوردستان ڕاگیرا .
پاشان پەیامی ئەندامی شارەوانی شاری تورکو لەلایەن Marku Alpima خوێندرایەوە، خوێندنەوەی پەیامی نەورۆزی بە زمانی فینلاندی لەلایەن بەڕێز دیار میرسیدی و خوێندنەوەی پەیامی هاوبەشی فینکورد،یەکیەتیی ژنانی دێموکرات کوردستانی ئێران، ئەنجومەنی زیندانییانی سیاسی لەلایەن کاک کەریم ڕەسوڵی.
پەیامی نەورۆزی بەزمانی کوردی لەلایەن خاتوو شیما پاڵانی خوێندرایەوە.
دواتر شانازی هەڵگیرساندنی ئاگری نەورۆزی ئەمساڵ لەلایەن بەڕێز عوسمان ڕەسوڵزادە و شیرین مەحمودزادە بوو.
فیستیڤاڵەکە دیلان و گۆرانی کۆتایی پێهات.
