ڕۆژی چوارشەممە ڕێکەوتی ٢٣ی ڕەزبەری ١٤٠٤ی هەتاوی، یەکیەتیی ژنانی دێموکراتی کوردستانی ئێران لە ڕێوڕەسمێکی تایبەتدا بەبۆنەی کارو چالاکی بەردەوام لە ڕێکخراوەی یەکیەتیی ژنان لەوحی ڕێزلێنانی پێشکەش بە ئەندامانی خۆی لە مەڵبەندی ٣ی حیزبی دێموکراتی کوردستانی ئێران کرد.
سەرەتای ڕێوڕەسمەکە خاتوو سەرگوڵ ئاقابەیگی بەرپرسی کۆمیتەی ڕێکخراو بەڕاگرتنی چەند ساتێک بێدەنگی بۆ گیانی پاکی شەهیدانی کوردستان و بەخێرهێنانی میوانان دەستی بە کۆبوونەوەکە کرد.
دواتر لە لایەن خاتوو تامان محەممەدی بەرپرسی بەشی تەشکیلات
چەند وتەیەک سەبارەت کار و تێکۆشانی ئەندامان و چۆنیەتی لەوحی ڕێز لێنانی بە ئەندامانی ڕێکخراوەکە باس کرد.
لەدرێژەی باسەکانی خاتوو تامان محەممەدی، خاتوو شنە دروودگەر سکرتێری یەکیەتیی ژنانی دێموکراتی کوردستانی ئێران چەند وتەیەک سەبارەت بە کاروچالاکی ڕێکخراوەکە و بەشی تەشکیللات پێشکەشی ئامادەبوان کرد.
لە کۆتاییدا لەوحی ڕێزلێنانەکانیان پێشکەش بە ئەندامانی چالاک و ئەرکوەخۆگر بەرپرسی کۆمیتەی یەکیەتیی ژنان لە مەڵبەندی ٣ی حیزبی دێموکراتی کوردستانی ئێران و سەرشانەکان وئەندامانی ڕێکخراوەکە کرد.
