بە بۆنەی چوارەمین ساڵیادی ژینا ئەمینی، خۆپیشاندانێک لە کلن بەڕێوە چوو

ڕۆژی شەممە، ٢١ی خەرمانانی ٢٧٢٦ی کوردی، بەرانبەر بە ١٢ی سێپتەمبەری ٢٠٢٦ی زایینی، بە بۆنەی چوارەمین ساڵیادی کوشتنی ژینا ئەمینی و سەرهەڵدانی بزووتنەوەی «ژن، ژیان، ئازادی»، خۆپیشاندانێک لە شاری کلن بەڕێوە چوو.
ئەم خۆپیشاندانە لەلایەن «یەکگرتوویی بۆ کۆماریخوازى و دێموکراسی لە ئێران» ڕێکخرا بوو.
ئەم بەرنامەیە بە بەشداریی حیزبی دێموکراتی کوردستانی ئێران و حیزبە کوردییەکانی دیکە، هەروەها ژمارەیەک لە ڕێکخراوە سیاسی و مەدەنییەکان و کۆمەڵێک ڕێکخراو و دامەزراوەی دیکە بەڕێوە چوو.
لە سەرەتای بەرنامەکەدا، پەیام و وتارەکانی ژمارەیەک لە حیزب و ڕێکخراوە سیاسی و مەدەنییەکان خوێندرایەوە. دواتر، بەشداربووان دەستیان بە ڕێپێوان کرد و بە درێژایی شەقامەکانی کلن ڕێپێوانیان کرد.
لەو بەرنامەیەدا، ئەندامانی یەکێتی ژنانی دێموکراتی کوردستانی ئێران (کۆمیتەی ئالمان )بەشدارییان کرد.
هەروەها شەهین مورەتەزادە، ئەندامی یەکێتی ژنانی دێموکراتی کوردستانی ئێران و بەرپرسی ژنانی ڕۆژهەڵات لە دیاسپۆرا، پەیامێکی پێشکەش کرد. ئەو لە پەیامەکەیدا، بە بۆنەی چوارەمین ساڵیادی ژینا ئەمینی، باس لە بوێری و خۆڕاگریی ژنان و ئیرادەی ئەوان بۆ بەردەوامبوون لە خەبات کرد.