وەرگێڕان و ئامادەکردنی: سیمین روحانیزادە
با نەڵێین: خۆکوشتنی پزیشکی پسپۆڕ و یاریدەدەری پزیشکی! بەڵکوو با بڵێین کوشتنی سیستماتیکیان لەلایەن وەزارەتی تەندرووستیەوە
شەپۆلی خۆکوشتنی زنجیرەیی یاریدەدەرانی پزیشکان و پزیشکانی پسپۆڕ لە ئێران لە ماوەی دوو ساڵی ڕابردوودا بە ڕێژەیەکی بەرچاو زۆر بووە و ڕەوتێکی نیگەرانکەری بەخۆیەوە گرتووە.
پێویستە هۆکاری ئەم خۆکوژییە زنجیرەییانە گرێ بدەین بە هەڵسووکەوتی بە ئەنقەست وەزارەتی تەندروستی،کە لەبری دابینکردنی مووچەی گونجاو بەگوێرەی هەوڵ و ماندووبوونی ستافی پزیشکی لە نەخۆشخانەکانی حکوومەتی بۆ فێرکاری، و ئامادەکردنی ژینگەی ئارام بۆ ئەوەی کارمەندانی پزیشکی و کادری دەرمانی تا ئەو جێگایەی کە دەکرێت باشترین شێوە خزمەتگوزاری پزیشکی پێشکەشی خەڵک بکەن.
ڕەنگە ئەمە ڕاستییەک بێت کە کەمتر لەلایەن خەڵکەوە سەرنجی پێ درابێت کە یاریدەدەرانی پزیشکی پسپۆر بە مووچەی مانگانە لەژێر هێڵی هەژاریدا دەژین و سەرەڕای کاتی کار کردنی هەفتانە کە هەندێک جار بەپێچەوانەی هەموو یاساکانی کار لە ئێران و جیهاندا دەگاتە زیاتر لە 90 کاتژمێر، و تەنانەت بە بێ پشتگیری بیمەش لە ئێراند کار دەکەن.
جگە لەوەش بەهۆی دەسەڵاتی زیادەڕۆیی و ناپێویستی بەشێک لە بەڕێوەبەرانی گروپ و مامۆستایان لە گروپەکانی ڕاهێنانی پزیشکیدا، کەشێکی ژەهراوی و ترسناک و سەیرکردن بە چاوێکی کەمەوە و تەنانەت کەڵک وەرگرتنی خراپ و دوور لە ئەخلاق بۆ یاریدەدەرانی پزشکی درووست کراوە.
ئەم پزیشکانە دوای تەواوکردنی خوێندنیان لەم جۆرە بارودۆخە نامرۆڤانەدا، لەژێر ناوی هێزی پلاندانان، باری سەرەکی بەڕێوەبردنی نەخۆشخانە حکوومییەکان لە هەموو بەشەکانی وڵاتدا ، بە کەمترین مووچەی دەگرنە ئەستۆ.
بەڵام دوای کۆتاییهاتنی پلانەکە و بەدەستهێنانی ئەزموون، سەرەڕای پێویستی بەپەلەی ئەو ناوەندانە بە بوونیان و خواستی خۆیان بۆ مانەوە و خزمەتکردن، وەزارەتی تەندروستی گرێبەستیان لەگەڵ واژۆ ناکات و تەنانەت دەریان دەکات، و گرووپگەلێکی دیکە دێنێتە سەرکار و بۆ ماوەیەک ئەوانیش وەک گرووپی پێشوو ڕادەگرێت و دوایی لە کار دوور دەخاتەوە.
وەزارەتی تەندروستی ئێران ماوە بە ماوە بانگەشە دەکات بۆ دامەزراندنی پزیشکانی پسپۆر و گشتی بەتایبەتی لە ناوچە بێبەشەکان کە پێویستیی زۆریان بە پزیشک بەڵام لێرەدا مافی خەڵکی ئێرانە کە بزانن وەزارەتی تەندرووستی تەنیا بۆ بەڕێوەبردنی نەخۆشخانە فێرکاری و حکومییەکان لە سەرانسەری ئێراندا بە پارەیەکی کەم ئەوان دادەمەزرێنێ و دواتر بەبێ پلان و بەرنامە لە کار دووریان دەخاتەوە.
لێرە دا با باس لە خاڵێکی گرنگ بکەین کە وا دەکات ژینگەی نەخۆشخانەکان و ناوەندەکانی دەرمانی تادێت بۆ کادری دەرمانی و پزیشکانی پلاندانان و یاریدەدەرەکان ناگونجاو بێ، ئەویش بوونی سەرۆکی زانکۆکان، جێگری سەرۆکی ناوەندەی وتەندروستی، بەڕێوەبەرانی گروپە تایبەتەکانە.
چونکە ئەو بەرپرسان کەسایەتی دژە کۆمەڵایەتی و وەهمی خۆبەزلزان و بە تایبەتی نەخۆشی دەسەڵاتیان هەیە و بەو هۆیەوە هەستی سەپاندنی کۆیلایەتیان هەیە ،هەبوونی کەسایەتی ئاوا و زاڵ بوونی کەشێکی ئاوا پیس و ڕانتی لە وەزارەتی تەندروستی ئێران و نەبوونی هیچ سیستەمێکی چاودێری و سزادان و سەرزەنشتکردن و دەرکردن، وایکردووە ئەو کەسانە گەشە بکەن و لە پۆستی بەرپرسیارێتیدا جێگیریان بکەن، و لە ئێستادا ئەو کەسانە بوونە هۆی ڕۆژ ڕەشی ستافی پزیشکی لە ناوەندەکانی دەرمانی و نەخۆشخانەکانی ئێران. و ئەو کۆڕەپانەیان وا لە پزیشکان تەنگ کردووو کە زۆربەیان تووشی خەمۆکی توند و دڵەڕاوکێ و لە هندێک حاڵەتی قەرەبوو نەکراو دا تووشی خۆکوژی دەبن، دەتوانرێت دوایین شوێنەواری ئەو جۆرە بەڕێوەبەرانە ئاماژە بە روودوای نەخۆشخانەی بەشی دڵی ورمێ و خوڕەمئاوا بکەین.
بۆ بەردەنگی ئەم بابەتە وەزارەتی تەندروستی، لە لووتکەی بازنەی بەڕێوەبردنی ناشایستە و لاوازی خۆیدایە ، پێویستە بزانرێت کە بەرپرسایەتی لەدەستدانی گیانی هەر ئەندامێکی ستافی پزیشکی، کە پێش هەموو شتێک خاوەنی خێزان و منداڵ، دایک، باوک و… دووەم: وڵاتێک پێویسیت بە بوونیان و خزمەتەکانیانە، و دۆسیەکانی بە تاوانی کوشتنی بە ئەنقەست لە ئەستۆی ڕێژیمی ئێرانە و ڕۆژێک دەبێت لە دادگایەکی کارامە و دادپەروەرانە لێپرسینەوە بۆ ئەو تاوانانە بکرێت.
