ڕۆژی دووشەممە ڕێکەوتی ٢٩ی بانەمەڕ ؛ نوێنەری یەکیەتیی ژنانی دێموکراتی کودرستانی ئێران خاتوو نەرمین عوسمانی لەسەر داوای فەرمیی SPD (پارتی سۆسیال دێموکراتی ئاڵمان) ، لە پارلەمانی دوسێلدۆرف “نۆردڕاین وێستفالێن” لەگەڵ بەرپرسانی ئەو پارتە کۆ بووەوە.
ئەم کۆبوونەوەیە به بەشداری ئەندامان و بەرپرسانی SPD و نوێنەری یەکیەتیی ژنان و نوێنەری حیزبی دێموکرات (بەڕێز سوڵتان گوڵاوی ) لە کاتژمێر١٣:٣٠ دوانیوەڕۆ دەستی پێکرد.
نوێنەری یەکیەتیی ژنان لەم کۆبوونەوەیە باسی لە باروودۆخی ئێستەی کورد به گشتی و باروودۆخی ژنان و منداڵان به تایبەتی ، لەم کاتە دژوار و ناخۆشەدا کرد و هەروەها جەختی کردەوە که هێرشە مووشەکی و درۆنیەکانی ئەم دوایانەی ڕێژیمی ئێران بۆ سەر بنکە و بارگاکانی حیزبەکانی ڕۆژهەڵات جگه لە زیانی گیان و مادی ، بووەتە هوێ ئەوەی کە ژنان و منداڵان لە باری ڕۆحی و ڕەوانی لە ئاستێکی زۆر خراپ بەسەر بەرن .
خاتوو نەرمین بە وردی باسی لە پێگەی و ئەرکی ژنان به گشتی و ژنانی پێشمەرگە لە هەرچوارپارچەی کوردستان به تایبەتی ، کرد. هەروەها داوای لە بەشداربووانی ئەو کۆبوونەوە کرد که ژنان و منداڵانی بێ دەسەڵاتی هەرچوارپارچە به تاێبەتی ژنان و منداڵانی ڕۆژهەڵاتی کوردستان لە بیر نەکەن با چیتر ژنان و منداڵان قوربانی نەبن .
