پیرۆزبایی فێدراسیۆنی ژنانی دیاسپۆرای کوردستانی بەبۆنەی پێنجەمین كۆنگرەی یەکیەتیی ژنانی دێموکراتی کوردستانی ئێران
بەناوی بەرپرس و دەستەی بەرێوەبەری فێدراسیۆنی ژنانی دیاسپۆرای کوردستانییەوە، گەرمترین پیرۆزبایی لە سكرتێر و ئەندامانی نوێی دەستەی كارگێڕی یەکیەتیی ژنانی دێموکراتی کوردستانی ئێران و هەموو ئەندامانی بەڕێز دەكەین بەبۆنەی بەڕێوەچوونی سەرکەوتووانەی پێنجەمین كۆنگرەی ڕێكخراوە تێكۆشەرەكەتان.
بەڕێوەچوونی ئەم کۆنگرەیە لەژێر ناوی «کۆنگرەی ژنانی پێشەنگ» و بە دروشمی بەرزی «پەیامەکانی بزووتنەوەی ژینا دەکەینە هەوێنی خەبات و تێکۆشانمان»، وەفاداریتان دەردەخات بە ڕێگای شەهیدانی ئازادی و بەردەوامیی ئێوە لە خەباتێکی مافپەروەرانە و نەتەوەیی.
ئێمە لە فێدراسیۆنی ژنانی دیاسپۆرای کوردستانی، باوەڕمان بە یەکڕیزی و هاوکاری نێوان ڕێکخراوەکانی ژنانی کوردستان هەیە، و پێمانوایە یەكدەنگی و هاوئاهەنگی بنەمایەکی بەهێزە بۆ گەیشتن بە ئامانجە نیشتمانی و مرۆییەکانی ژنان. هیوادارین ئەم کۆنگرەیە هۆكارێك بێت بۆ زیاتر پتەوكردن و بەهێزکردنی خەباتی ژنان و بەرەوپێشبردنی مافەکانیان.
سەرکەوتن و سەربەرزی بۆ یەكیەتیی ژنانی دێموکراتی کوردستانی ئێران و هەموو ژنانی خەباتگێڕی کوردستان دەخوازین.
فێدراسیۆنی ژنانی دیاسپۆرای کوردستانی
٢٢ی١١ی٢٠٢٥
هەواڵ
