ڕۆژی هەینی ٢١ی نوامبری ٢٠٢٥ یەکیەتیی ژنانی دێموکرات لە سوئێد بەشداری لە پانێڵێکی زانستی دا کرد کە لە لایەن ڕێکخراوەکانی ژنانی سوئێدەوە ڕێکخرابوو.
بەشدارانی ئەو پانێلە بریتی بوون لە:
یەکیەتیی ژنانی دێموکراتی کوردستان لە سوئێد، نوێنەرانی چاودێرانی هەڵاوردنی ڕەگەزی و جنسی (DO)
کۆمەڵگەی مەدەنی و چەندین ڕێکخراوەی دیکەی ژنان لە سوئێد
ئامانجی ئەو پانێلە باس و خستنەڕووی مێتودی “بینینی خاڵە شاراوەکان” لەسەر بنەمای ڕاپۆرتێک سەبارەت بە ئەزموونی ژنان لە سوئێد لە سەر پرسی ڕەگەزپەرستی کە لەو چەند ساڵەی ئەخیر لە وڵاتی سوئێد پەرەی پێدراوە، بوو.
یەکیەتیی ژنانی دێموکرات بە پێشکەشکردنی ڕاپۆرتێک بۆ پەرلەمانتاران کە لە مانگی جونی ٢٠٢٥ لە پارلمانی سوئێد بەڕێوەچوو چالاکانە بەشداری لە پڕۆسەکە دا کردوە و وانە و ئەزموونی لێ وەرگرتووە و ئەو مادەیە بەرز دەنرخێنێ و بۆ بەردەوامی لە کارەکانی دژی جیاوازی و ڕەگەزپەرستی لە داهاتوو دا کاری پێدەکا.
خاتوو “ڕێناس خزری” بە نوێنەرایەتی یەکیەتیی ژنانی دێموکراتی کوردستانی ئێران بەشداری ئەو پانێلە بوو.
ناوەندی هەڵاوردنی دژ بە ڕەگەز پەرەستی چەندین نموونەی کەیسی هەڵاواردنی و جیاوازی ڕەگەزی لەو کۆبوونەوە دا خستەڕوو، کە بە شێوەیەکی سەرەکی لە قوتابخانەکانەوە دەستپێکرابوو.
قوتابخانە گۆڕەپانێکی چارەنووس سازە بۆ دۆزینەوە و بەرپەرچدانەوەی ڕەگەزپەرستی.
هەر لەو پێوەندیە دا پێداگری لەسەر ڕۆڵی ناوەندی قوتابخانەکان وەک بەشێکی گرنگ باسی لێکرا کە دژ بە پەرەسەندنی هەڵاوردن و ڕەگەزپەرستی دەبێ کار بکات.
پێویستە بگوترێ هەر لەو ڕۆژەدا سیاسەتمەدارانی سوئێد لە ژێنێڤ سەبارەت بە کارە دژە ڕەگەزپەرستییەکانی سوئێد لێپرسینەوەیان لەگەڵ کرا کە تیشکیان خستە سەر ئاستەنگ و کەموکوڕییەکان دژ بە ڕەگەزپەرستی باس لەوە کرا کە بەگشتی کاری کەم لەسەر ئەو پرسە کراوە.
بەپێی ڕاپۆرتی چاودێرانی ناوەندی هەڵاواردنی ڕەگەزی لە سوئێد نیشان دەدا کە ئەو میتودە وەڵامدەر بووە و کاریگەری داناوە، ئێستا خەڵک زیاتر لە پێشوو لەسەر هەڵاواردن ڕاپۆرتی خۆیان پێشکەش بە شوێنە پێوەندیدارەکان دەکەن.
یەکیەتیی ژنانی دێموکرات، پێشوازی لەو میتودە دەکا و هەوڵ دەدا دژ بە جیاوازی و هەڵاوردن بە مافەکانی ژنان لە پرۆسەی کار کردن دا کەلکی لێ وەربگرێ.
یەکیەتیی ژنانی دێموکراتی کوردستانی ئێران، کۆمیتەی سوئێد
٢١-١١-٢٠٢٥
