خوێنکارانی ئازیز!
لەلایەن یەکیەتیی ژنانی دێموکراتی کوردستانی ئێران، پیرۆزبایی گرتنی کۆنگرەی یەکیەتیی خوێندکارانی دێموکراتی کوردستان بە ئەندامان و دەستە بەرێوەبەری ئەو ڕێکخراوەیە دەڵێین.
هەر وەک دەزانین، لە چەندین زانکۆی نێوخۆی ئێران، ژمارەیەکی زۆر لە کچان بە شێوەیەکی بەرچاوە چوونەتە زانکۆ و بە جوورێک بەشێکی زۆر لە کوورسییەکانی زانکۆکان بە کچان و ژنان پڕ کراوەتەوە، ئەمە لە چەند ساڵی ڕابردوودا بە یەکێک لە نیشانەکانی پێشکەوتن و بەرەوپێشچوونی کۆمەڵگەی ئێرانی داندراوە. بەڵام ئەم پێشکەوتنە لە کاتێکدایە کە نائەمنی و فشاری درێژخایەنەی کۆمەڵایەتی ـ سیاسیدا، بە تایبەتی لەلایەن رژیمەکەوە، کاریگەرییەکی گەورەی هەبووە لەسەر ژنان و کچان.
لە بەرامبەر ئەو ڕووداوە، دەرسەدێکی کەم لە کچان توانیویانە لەو ڕشتەیە کە لە زانکۆ خوێندوویانە بێنە بازاڕی کار، و لەو بوارانەی خۆیان بە دڵخوازی خۆیان چەند ساڵ دەرسیان بۆ خوێندووە بەرەو پێش بڕۆن. تەنانەت بەشێکی زۆر لەوانە ناتوانن وەک پیاوان لەو بوارانەی کە شارەزاییان تێیدا هەیە یان هۆگرییان پێی هەیە، درێژە بە خوێندن بدەن یان کار بکەن.
لەگەڵ ئەوەشدا، بڕیاری کارکردنی ژنان و کچان زۆرجار لە لایەن بنەماکانی کۆمەڵگە و بە تایبەتی رێژیمەوە قەدەغە یان سنووردار دەبێت. ئەمەش دەبێتە هۆی ئەوە کە زۆرینەی کچانی خوێندکار دوای تەواوکردنی زانکۆ، بە ناچار دەبنە ژنی ماڵەوە، یان ڕوویان لە هندێک کار کە هیچ پەیوەندی نییە بە خوێندنەکەیان. ئەوەش بە شێوەیەکی ڕوون، یەکێکە لە خەسارە گەورەکانی کۆمەڵایەتی و ئابووری.
خوێندکارانی کوردستان، لە ماوەی چەند ساڵی ڕابردوو، توانیان بە وەفاداریان بە ئازادی و مافە مرۆییەکان مێژوویەکی پڕشنگدار لەو چەند ساڵەی کە ئێران و بەتایبەت کوردستانی ڕۆژهەڵات لەگەڵی ڕووبەڕوو بووە لەر نێو زانکۆکان بخوڵقێنن. ئەوان بە ئازایەتییەکی گەورە لە بزووتنەوەی “ژن، ژیان، ئازادی” جووڵانەوە و لە هەموو مەیدانەکان، بە تایبەتی لە زانکۆ و خوێندنگەکانەوە، بەرەوپێشەوە ڕۆیشتن. ئەم چالاکییەی خوێندکاران نیشانەیە لە بەرزبوونی ئاگاداری نیشتمانی و دیموکراتییەکانی کەسانی نوخبە و زانای کۆمەڵگە و بەتایبەت کچان و کوڕانی لاوی خوێندکار.
کچان و کوڕانی دەروەست و نوخبەی کۆمەڵگە!
یەکیەتیی ژنانی دێموکراتی کوردستانی ئێران، بە باوەڕی بە ئەو ڕۆڵە بنەڕەتییەی خوێندکاران لە پرۆسەی گۆڕانی کۆمەڵایەتی و سیاسیدا، بە تایبەتی لە ڕێگەی خۆئاگادیکردن و پەیوەندیدانی نەتەوەیی ژنان و گەنجان لە پێشەنگایەتی ئەم چەند ساڵە و بەتایبەت لەم بزووتنەوەیەدا ڕوولێکی گرنگیان ئەنجام داوە: گەورەکردنی دەنگی ئازادی و بەهەزکردنی ئیدەی دێموکراتی و خەباتی بێوچانی کەاسانی زانا و نوخبەی کۆمەڵگە بەتایبەت لە زانکۆکان هەنگاوێکی گرینگی نەتەوەیی بووە.
ئێمە دڵنیایین ئەو کۆنگرەیە دەبێت بە هەنگاوێکی نوێ لە چاکسازییە سیاسی و فکرییەکان، بۆ پەیوەندیدانی خەباتی خوێندکاران لە هەموو پارچەکانی کوردستان، و دەبێتە هۆی بەرزکردنی دەنگی کچان و کوڕانی خوێنکاری کورد لە دژی ناعداڵەتی ئەو ڕێژیمە.
یەکیەتیی ژنانی دێموکراتی کوردستانی ئێران، بەو هەستەوەی کە “ژن، ژیان، ئازادی” تەنیا ناوی بزووتنەوەیەک نینە، بەڵکو بیرۆکەیەکی ژینگەیی و نیشتمانییە، پشتگیریی خۆی لە یەکیەتیی خوێندکارانی دێموکرات و هەموو ئەو لاوانەی کە بە ویستی گۆڕان و ژیانی باشتریان، پەیوەستن بە خەباتی ئازادیخوازی ڕادەگەیەنێ.
بژی یەکیەتیی خوێندکارانی دیموکراتی کوردستان
بژی بزووتنەوەی ژن، ژیان، ئازادی
یەکیەتیی ژنانی دێموکراتی کوردستانی ئێران
