بەڕێزان ئەندامان وبەشداربووانی کۆنگرەی فێدراسیۆنی ژنانی دیاسپۆرای کوردستانی
لەگەڵ سڵاوێکی گەرم
بە بۆنەی یەکەمین کۆنگرەی فێدارسیۆنەکەتان، فێدارسیۆنی ژنانی دیاسپۆرای کوردستانی، پڕبەدڵ پیرۆزبایی خۆمان ئاراستەی ئێوەی هێژا دەکەین وهیوای سەرکەوتنتان بۆ بە ئاوات دەخوازین.
هیوادارین ئەم کۆنگرەیە ببێتە مایەی تەبایی و یەک دەنگی و یەکڕیزی خەباتی ژنان لە هەر چوارپارچەی کوردستان، و بە یەک خەبات و یەک گوتاری ژنانە بتوانێ خزمەتی زیاتر بە پرسی ڕەوای ژنان بکات و لە پێناو ئاوات و ئامانجی لە مێژینەی ژنان هەنگاوی بەپێز و کاریگەر هەڵبگرێ و بە پلان و ڕاسپاردەکانی بتوانێ بەرو کۆمەڵگایەکی ئازاد و یەکسان و دادپەروەر هەنگاو هەڵێنێ.
ئێمە وەک یەکیەتیی ژنانی دێموکراتی کوردستانی ئێران، هەمووکات خۆمان بە پاڵپشت و پشتیوانی ئەو ڕێکخراو وفیدارسیۆن و کەسایەتییانە دەزانیین کە بۆ کۆمەڵگایەکی یەکسان و مافخواز و دادپەروەر تێدەکۆشن،هاوکاریان دەبین لە کەم کردنەوەی ئاریشەکان و رووبەڕوبوونەوەی ئاڵنگاریەکان.
لە کۆتایی دا دووبارە پیرۆزباییتان لێدەکەین وهیوای سەرکەوتنان بۆ بە ئاوات دەخوازین.
٢٠ی سەرماوەزی ١٤٠٤ی هەتاوی
11ی دێسامبری 2025
یەکیەتیی ژنانی دێموکراتی کوردستانی ئێران
