هەموو سالێک لە کۆتایی ساڵی خۆێندندا چەندیین کچ و ژن لە نێو ڕیزەکانی «حیزبی دێموکراتی کوردستانی ئێران»دا بە سەرکەوتووی قۆناغی خوێندن و زانکۆیان بە باشترین پلە دەبڕن و دەبنە مایەی شانازی بۆ حیزبەکەیان و بنەماڵەی گەورەی دێموکرات.
ئێمە وەک گۆڤاری «ژنان» داوامان لەو خۆشەویستانە کردووە کۆرتەیەک لە ژیاننامەی خوێندنی خۆیانیانمان بۆ بنێرن تا لەو ژومارەیەی گۆڤار بڵاو کەینەوە.
خوێندکاری سەرکەوتوو: هێشوو خزری
من هێشوو خزری لە 2/10/2002لە نێو ڕیزەکانی شۆڕش لە حیزبی دێموکراتی کوردستانی ئێران لە بنەماڵەیەکی نیشتمانپەروەر لەدایک بووم بەهۆی ئەوەی باوکم پێشمەرگەی ئەو حیزبە بوو .لە تەمەنی شەش ساڵیدا خرامە بەر خوێندن و خوێندنی سەتاییم لە قوتابخانەی جێژنیکانی بنەڕەتی و بە خۆشحاڵیەوە ئەگەر یەکەم نەبوام دووەم بوم و هەمیشە ئەلاقەم بە دەرسەکانم هەبووە.دواتر خوێندنی ناوەندیم لە قوتابخانەی دواناوەندی جێژنیکان تەواو کرد بۆ بەدەستهێنانی دیپڵۆم ، دواتر کاتێک ئیمتەحانی کۆنکوڕم دا بۆ دەسپێکی قۆتاغێکی تری خوێندن سەرکەوتو بووم.لە ماوەی خوێندنی سەرەتایی و ناوەندیشدا بەهۆی ئەوەی کچە پێشمەرگە بووم چەندین جار ڕووبەروی بارودۆخی سەختی نێو شۆڕش دەبوومە زۆر جار ترسی بێباوکی بەسەرمان دەکشا و لە گەڵ ئەوەش دا دەبو دەرکی ئەوەمان کردبایە کە ئەو ڕێگایە سەخت و ناهەمووارە فیداکاری دەوێت کورد هەموو کات لە مافەکانی بێبەش بوو بۆیە ئێمە لێرەدا ناخۆشیمان بینی و قوربانیمان دەدا.ئێمە دەبوایە لەمنداڵیەوە دەرکی ئەو ناخۆشیانەمان هەبووایە و ئێستاش لەم تەمەنەمدا پێم وایە کە سەرکەوتنی ئەو شۆڕشە پێویستی بە کەسانێک هەیە کە لەڕێگای قەڵەمەکەیانەوە داهاتوی نەتەوەی کورد بگۆڕن بەرەو باشتر بەخۆشحاڵیەوە ئەو کەسانە لە نێو شۆڕش هەیە بەڵام دەبێت بەشی زۆری نێو شۆڕش بن بۆ سەرکەوتنی ئەو شۆڕشە .پاشان سەرەڕای هەموو کەموکوڕیەکیش سەرکەوتو بووم و لە زانکۆی پۆلیتەکنیکی هەولێر بەشی کارگێڕی یاسا وەرگیرام درێژەم بە خوێندنەکەم دا. ئارەزوم وابوو ئەگەر ڕۆژێک گەیشتمە ئاستی باڵای خوێندن بتوانم پلەی بەرز وەدەست بهێنم ، هەرچەندە ئەوەش کارێکی ئاسان نەبوو زۆر شەوو ڕۆژم بە شەونخونی و بێ خەوی بەسەر برد و لەلایەکی تریش زۆر جار بارودۆخی خراپی دەرونی باڵی بەسەرماندا دەکشا جا لە چۆلکردنی ماڵەکانمان یان نەبوونی هەلومەرجی گونجاو بۆ خوێندن بەڵام کۆڵم نەداو لە کۆتاییدا توانیم پلەی یەکەم بە کۆنمرەی 93،5 لە کۆی 180دانشجو وەدەست بهێنم . ئەو کاتەی ئەوەم زانی هەستم بە هێز و توانایەکی یەکجار زۆر کرد لەسەروی هەموو ناخۆشیەک توانیم سەرکەوم لەخۆشیدا دەمهەویست پڕ بەدڵی خۆم بگریم خۆشترین هەستی ژیانم بوو . من پێشتریش پلەی یەکەمم لە قۆناغەکانی تر وەدەست هێنابوو بەڵام ئەوەیان هەستێکی زۆر تایبەتتر بوو ، لەوە تێگەیشتم هەرئامانجێک ئەگەر ڕاستەقینە بێت ڕۆژێک هەر دەبێت بێتەدی .
لە چەندین خۆشی خۆمم بێبەش کرد تاوەکو لە تەخەروجی قوتابیان بەهۆی ئیمتەحانەوە بەشداریم نەکرد و من خەریک خوێندن بوم تا نمرەیەکی باش وەدەست بهێنم بەڵام هەرگیز لەهیچ ڕۆژێکی ئەو ساڵانەدا پەشیمان نەبووم و ئاواتەخواز نەبووم بگەڕێتەوە چونکە تەواو توانای خۆم لەو ڕۆژەدا بەکار دەهێنا کە تێیدا بووم لەکۆتاییشدا هەر سەرکەوتم .
ئاواتەخوازم بتوانم لە قۆناغە یەکلەدوای یەکەکانی تری خوێندنیشمدا بەهەمان شێوە سەرکەوتو بم و ئاواتیشم وایە تەواوی منداڵانی نێو شۆڕش بە سەرکەوتویی و سەرفرازی ببینم .
