هەموو سالێک لە کۆتایی ساڵی خۆێندندا چەندیین کچ و ژن لە نێو ڕیزەکانی «حیزبی دێموکراتی کوردستانی ئێران»دا بە سەرکەوتووی قۆناغی خوێندن و زانکۆیان بە باشترین پلە دەبڕن و دەبنە مایەی شانازی بۆ حیزبەکەیان و بنەماڵەی گەورەی دێموکرات.
ئێمە وەک گۆڤاری «ژنان» داوامان لەو خۆشەویستانە کردووە کۆرتەیەک لە ژیاننامەی خوێندنی خۆیانیانمان بۆ بنێرن تا لەو ژومارەیەی گۆڤار بڵاو کەینەوە.
خوێندکاری سەرکەوتوو: مریەم قادری
من(مریەم قادری)لەساڵی 1981لە شارۆچکەی سەنگەسەر لە بنەماڵەیەکی نیشتمان پەروەر لەدایک بووم ،بەهۆی بارودۆخی گەلە ژێردەستەکەم قۆناغەکانی خوێندنم هەورازو نشێوی زۆری بەخۆوە بینیوە، خوێندنی سەرەتایم لە سەنگەر دەستپێکرد پۆلی یەکەم و دووەمم لەوێ خوێند دواتر بەهۆی ڕاگواستنی ناوچە سنوریە دەستکردەکانی کوردستان شارۆچەکەی سەنگەسەریش بەر شاڵاوی ڕاگواست کەوت و ئێمەیان برد بۆ ئۆردووگا زۆرەملێکان و ماڵی ئێمەشیان برد بۆ تۆبزاوا لە نزیک شاری هەولێر،پۆلی سێیەم و چوارەمم لە ئەوێ خوێند، پاشان بەهۆی ڕاپەڕینەکانی باشوری کوردستان و ئازاد کردنی بەشێک لە نیشتمانەکەم لەدەست ڕژێمی دیکتاتۆری عێراق ئێمەش گەڕاینەوە بۆ سەنگەسەر وپۆلەکانی پێنجەم و شەشەمم لەوێ تەواوکرد،پاشان بەهۆی سەرهەڵدانی شەڕی براکوژی و خراپی باری ئابوری دەستم لەخوێندن هەڵگرت،بەڵام خولیام بۆ خوێندن و زانست هەر لەدڵمدا مایەوە ڕۆژ بەڕۆژ زیاتر پەرەی دەسەند هەمیشە لەدەرفەتێک دەگەڕام بۆئەوەی درێژە بەخوێندن بدەم،دوای ئەوەی ژیانی هاوبەشیم پێک هێنا لەگەڵ پێشمەرگەیەکی حیزبی دێموکرات بەناوی(شهرام حمیدزادە)ماڵمان لە کەمپی ئازادی بوو شهرام کاتێک زانی کە من خەونی گەورەم تەواکردنی خوێندنە بەردەوام هانی دەدام بەڵام من ئەوکاتە تەمەنی یاسایم تێپەڕیبوو نەمدەتوانی لە مەدرەسەی ڕۆژ بەردەوامبم لە خوێندن بەڵام بەخۆشحاڵیەوە مەدرەسەی ئێوران لە شاری کۆیە کرایەوە هەرچەندە لەوکاتەدا من پێموابوو کە ماوەیەکی زۆرە لەخوێندن دابڕاوم وناتوانم درێژە بەخوێندن بدەم بەڵام پێداگیریەکانی شهرام و هاندانە بەردەوامەکانی حلیم خانی خوشکم وایانکرد دووبارە دەست بکەمەوە بەخوێندن وپۆلەکانی(9،8،7)م لە مەدرەسەی دەرسیمی ئێواران بە پلەیەکی باش بڕی هەروەها پۆلەکەنی(12،11،10)م لە مەدرەسەی ماکۆکی ئێواران بەسەرکەوتووی تەواواکرد،تەواکردنی قۆناغی قوتابخانە بەسەرکەوتووی ڕێگا خۆشکەربوو بۆئەوەی بیر لەوەبکەمەوە کە پێویسە زانکۆش تەواو بکەم هەربۆیە دوای تەواوکردنی مەدرەسە ڕاستەوخۆ ناو نوسیم .کرد بەخۆشحاڵیەوە ناوم لە بەشی قانون لە زانکۆی کۆیە هاتەوە توانیم ئەم قۆناغەی خوێندنیش بەسەرکەوتووی تێبپەڕێنم بەجۆرێک لە قۆناغەکانی سێیەم چوارەم توانیم پلەی دووەم بەدەست بهێنم،ناکرێ ئەندامی حیزب بیت وباس لەسەرکەوتنەکان بکەیت و باس لە رۆل وپێگەی حیزب نەکەیت، لە راستیدا ئەوەی کە دەلێن حیزبی دێموکرات زانکۆیەکی گەوەریە ئەمە لە ڕوالەتدا راستیەکی حاشا هەلنەگرە بۆ ڕەخساندنی ئەو دەرفەتانە لەبواری خۆپێگەیاندن و هاندان هەم لە باری مەعنەوی و هەمیش لە باری دابین کردنی ئێمکانات بۆ ئەوەی خۆت پێ بگەێنی هەر بۆیه بەشێکی زۆر لەو سەرکەوتنەی خۆم لە ئاستی خوێندندا خۆم بە قەرزداری حیزب دەزانم هیوادارم لە داهاتوو دا بتوانم ئەوی فێری بووم بخەمە خزمەت بە دی هێنانی ئامانجەکانی حیزب و گەلەکەم .
