جیهان بێتووشی
هەندێ جار گوێمان لە هەندێ ناو دەبێت بەلامانەوە سەیرە و سەرنجمان ڕادەکێشێت، جا لە ڕێگەی جوانی یان سەیری ناوەکەیەوە بێت دەبێتە هۆی سەرنج.
ئایا تۆ تا ئێستا گوێت لە ناوی گوڵە کووچەرات یان کەرکەدی بووە؟ بێگومان گوڵەکەرکەدی گەلێک سوودی باشی هەیە و چارەسەرێکی تەندروستی باشە.
هەموو کەسێک حەز دەکات لەش و لارێکی ڕێک و جوانی هەبێت، بە تایبەتی لەنێو خانماندا هەمیشە هەوڵ دەدرێت گرنگی بە لەش و لارێکی ڕێک بدرێت. کەرکەدی یارمەتی ئەو کەسانە دەدات کە چەوری زۆریان لە ژێر پێستدا کۆبۆتەوە و بۆتە هۆی قەڵەوی، دەمکردنی گوڵەکەرکەدی وەک کوچە دەتوانێت سوودی هەبێت بۆ کەم کردنەوەی کێش و کاتێک کەسێک پێویستی بە ڤیتامین سی هەبێت هەمووان دەڵێن : پر- بخۆ، بەڵام ئەگەر تۆ حەزت لە پرتە نییە ئەوە دەتوانی چای گوڵەکەرکەدی بخۆیەوە تا پێویستی ڤیتامی سی لە جەستەتدا ڕێککەیەوە، ئەوانەی کێشەی بەرزی فشاریان هەیە ئەوە دەتوانن یارمەتییان بدات، کە فشاریان جێگیر بێت و پێویست بە دەرمانخواردنی بەردەوام نەکات، بەڵام سەرەڕای ئەو هەموو سوودانە دەبێت ئاگادار بین گوڵەکەرکەدی بۆ ئافرەتانی دووگیان زیانی هەیە و ئەگەری هەیە زیان بە دایکەکە یان بە کۆرپەلە بگەیەنێت، وتمان سوودی هەیە بۆ ئەو کەسانەی کە فشاریان لە سەرە، بەڵام بۆ ئەو کەسانە زیانی هەیە کە بە بەردەوامی فشار یان لە خوارێیە و نابێت بەکاری بێنن وە دەبێت ئەوەشمان لە بیر بێت کە گوڵە کەرکەدی ڕەنگێکی جوانی هەیە و دەتوانێت ڕەنگێکی باش بێت بۆ ئەو کەسانەی کە دەیانەوێ قژیان ڕەنگ بکەن، بە تایبەتی بە تێکەڵ کردنی لەگەڵ خەنە یان لەگەڵ ڕۆنی گوێزی هیندی تێکەڵ بکرێت و لە قژ بدرێت هەم دەتوانێت خۆراک بە قژەکە ببەخشێت و هەم دەتوانێت جوانییەکی تایبەت بە تۆی خانم ببەخشێت لە ڕووی ڕەنگی قشتەوە بۆ ئەوەی لە سوودەکانی بێبەش نەبی ئەوا گوڵە کەرکەدی وەکوو چای بخۆرەوە، بەڵام زیاد لە ئەندازە بەکار هێنانی زیانبەخش دەبێ.
پەڵپینە (پرپرە)
تا ئێستا دۆکڵیوت خواردووە بە پەڵپینە یان پرپرە ئەگەر نەتخواردووە یان پەڵپینەت بۆ گرنگ نەبووە، ئەوە با من هەندێ سوودی پەڵپینەت پێ بڵێم کە تا ئیتر تۆش بیکەی بە بەشێکی گرینگی خۆراکی ڕۆژانەت.
پەڵپینە کە لە هەندێک شوێن پرپرەشی پێ دەگوترێت یەکێکە لە گیا بەهارییەکان کە بە پێی ناوچە جیاوازەکانی کوردستان جیاواز بەکاری دێنن و خواردنی جۆراوجۆری لێ دروست دەکەن،
بیرمان نەچێ پەڵپینە ڕووەکێکی خۆڕسکە و دەوڵەمەندە بە زۆر لە کانزا گرینگەکان لێکۆڵینەوەکان لەسەر پەڵپینە کراون وا دەرکەوتووە، کە پەڵپینە دەوڵەمەندە بە کانزاکانی وەکوو پۆتاسیۆم و کالیسیۆم هەروەها ئۆمێگاسێی تێدایە کە ئەوەش وادەکات بەسوود بێت بۆ تەندروستی دڵ و یارمەتی نەهێشتنی کۆنتڕۆڵی خراپ دەدات پەڵپینە زۆر کەم کالۆری تێدایە ئەگەر دەتەوێت لەش و لارێکی ڕێک و تەندروستت هەبێت ئەوا ژەمی ئێواران دەتوانی پەڵپینە لێبنێیت و کالۆرێکی کەم وەربگریت، زۆرێک لە لێکۆڵینەوە تازەکان باس لەوە دەکەن پەڵپینە بۆ ئەو کەسانە بە سوودە کە لە سەرەتای دروستبوونی خانە شێرپەنجەیەکاندان و سوودی دەبێت بۆ تێکشکاندنیان.
کێشەی قەبزی بە تایبەتی لەنێو منداڵاندا بوونی هەیە ئەوە بە خواردنی پەڵپینە دەتوانێت ڕزگارکەرێکی باش بێت لەو قەبزیە بۆ منداڵەکەت.
